Sampo

Sa dibdib nitong tahimik na dagat.

Naghasik ka ng isang maliit na punla

Na ang munting ugat ay naglalagablab.

Pinalagpas mo sa kabilang tenga ang  paalaala

Ng matatanda:  “Ito’y lehetimong krimen.”

Lalo na’t nagluluksa ang lahat  sa kamatayan ni Kristo.

Sumambulat ang dambuhalang bulaklak

Sampung metro ang taas

Sampung metro ang lapad.

Naglitawan ang birtud ng tubig.

At sampung taong nabaog ang dagat.

At sampung taon kang sa sampo mong anak

nagpakain ng  mga isdang inimbalsamo ng  pulbura.