Sinusurok mo ay maib’og na katatambuan
Paryas ka mga pulang saguksok na di mo isi
Kun sarin paiyan o miglagbas o migbutwa.
Dangan migkurba a ngabil mo sa kamuyaan
Dawa isi mo naman na ika migngalas ka mababayad
Na kun nata nagbuburaybayli a sugbo sa ambon.
Itataas mo alaba mong bayabas na kawit
Ag usad-usad mo sindang babayudon
Anggan sa makasampaling sa sadiring lalawgon.
Bubulnuton mo a burak na paluwayluway
Paryas ka paggut-ol ka tuka ka mga sadit na rignos
Kun sinda nagbibilog salagan sa balagon antak.
Titiponon mo a mga kamuyahan ag kapagalan
Sa nagka-karabritang palad sa irarom ka katatambuan
Ta a aldow ka iba na sa sugbo mo--- migpapas-an.
No comments:
Post a Comment