Sumaro Bikolnon

Dagpok sa gilid bubon



Dara-dara so lalab-an
Sa bubon sadto kabab-an
Suminaldok sa malinaw na tubig
Ta magubat nagpabulig.


So mga bado sinabon
So short ag so kalson
Magin so magubat na patalon
Pinatiyaga-ang sinamon-samon


Pagkatapos masabon
Sa pagdagpok nagpoon
Dagpok sadi, dagpok siton
Dinagpok pati so mga bitoon.


Mga murit ag mantsa
Sa dagpok di mig-obra
Ibanan pa sa uroistorya
Tapos tulos a labada.


Sa alipot na oras na di narisa
Musna ta migsampay na kita.


Tupasi

Tupasi
Siyang itiniprak
Sa umang pig-arado
Pig-surod, pig-plantsa
Nagtubo siya dawa pirang beses kinaon sa kuhol
Nagsaringsing siya
Ruminambong
Nag-buros,
Nag-suwak,
Nag-ukro
Nainog
Inani
Nilinas
Winagwag
Pinaanginan tanganing malimpyahan
Binulad
Inulang
Nagi utro siyang tupasing
Ititiprak