Tulag

Napundo su panibsib ko mga taringting

Su panuka ku riwariw

Nag-aba su liog ko kagang

Mantang nag-ukro su talaod.

Maabang silencio

Ngamin nag-uulat

Ngamin nakikimati

Na agko umiwag

Pumutok o magkaraw-kasaw sa tubig.

-------------------------------------------------

Nakigkig na luminayog su lapay

Igik-igik na nagdadalagan su tikling

Nangupad-kupad

Namuluspugos

Nagsuruksukan sa kaagasan

Sa katatambuan.

Kinaramragan

Patukad, parus’og

Pairaya ag pailawod

Na naglalayog su burobarita.